उपमुख्यमंत्री एकनाथ शिंदे यांचा उद्या सोलापूर-धाराशिव जिल्हा दौरा; अतिवृष्टीग्रस्त भागांची करणार पाहणी

 

प्रतिनिधी : जुबेर शेख 

धाराशिव:महाराष्ट्र राज्याचे उपमुख्यमंत्री मा. एकनाथ शिंदे उद्या दिनांक २४ सप्टेंबर रोजी सोलापूर व धाराशिव जिल्ह्याच्या दौऱ्यावर येणार आहेत. या दौऱ्यात ते अतिवृष्टीमुळे बाधित झालेल्या गावांची पाहणी करून परिस्थितीचा आढावा घेणार आहेत.

दौऱ्याचे वेळापत्रक पुढीलप्रमाणे आहे –

सकाळी ८:०० वाजता उपमुख्यमंत्री ठाणे निवासस्थान येथून मुंबई विमानतळाकडे प्रयाण करतील.

सकाळी ८:३० वाजता मुंबई विमानतळावरून सोलापूरकडे प्रयाण करून सकाळी ९:१५ वाजता सोलापूर विमानतळावर पोहोचतील. त्यानंतर हेलिकॉप्टरने धाराशिव जिल्ह्यातील परांडा येथे रवाना होतील.

सकाळी ९:५५ वाजता परंडा हेलिपॅडवर आगमन होईल.

सकाळी १०:०० वाजता परांडा तालुक्यातील रुई गावात झालेल्या अतिवृष्टीग्रस्त भागांची पाहणी करतील.

दुपारी १२:०० वाजता भूम तालुक्यातील पाथरूड येथील पुरग्रस्त भागांचा आढावा घेतील.

दुपारी २:०० वाजता कळंब तालुक्यातील आथर्डी परिसरातील अतिवृष्टीग्रस्त शेतकऱ्यांशी संवाद साधून पाहणी करतील.

त्यानंतर सायंकाळी ४:०० वाजता मोटारीने कळंब हेलिपॅडकडे प्रयाण करतील व ४:३० वाजता हेलिकॉप्टरने सोलापूरकडे रवाना होतील.

सायंकाळी ५:०० वाजता सोलापूर विमानतळावरून मुंबईकडे प्रयाण होईल.

सायंकाळी ५:४५ वाजता मुंबई विमानतळावर आगमन होईल व मोटारीने ठाणे निवासस्थान.

सायंकाळी ६:१५ वाजता उपमुख्यमंत्री ठाणे निवासस्थान येथे परत येतील.

या दौऱ्यात उपमुख्यमंत्री शिंदे प्रत्यक्ष अतिवृष्टीग्रस्त शेतकऱ्यांशी संवाद साधून मदतीच्या उपाययोजनांचा आढावा घेणार असल्याने शेतकरी व नागरिकांमध्ये त्यांच्या दौऱ्याबद्दल उत्सुकता आहे.