Ticker

6/recent/ticker-posts

हातलाई शुगर प्रा. लि. जवळा (खुर्द) येथे रोलर पूजन सोहळा संपन्न

 

प्रतिनिधी : जुबेर शेख 

धाराशिव: कळंब तालुक्यातील जवळा (खुर्द) येथील हातलाई शुगर प्रा. लि. या कारखान्यात गळीत हंगामाच्या प्रारंभापूर्वी पारंपरिक पद्धतीने रोलर पूजनाचा विधिवत कार्यक्रम आज मोठ्या उत्साहात पार पडला. कारखान्याच्या परिसरात झालेल्या या पूजन कार्यक्रमास कारखान्याचे पदाधिकारी, ग्रामस्थ तसेच शेतकरी बांधव सहकुटुंबीयांसह मोठ्या संख्येने उपस्थित होते.


या वेळी गळीत हंगाम वेळेत सुरू होत असल्याने उपस्थित शेतकरी बांधवांच्या चेहऱ्यावर समाधानाचे आणि आनंदाचे वातावरण दिसून आले. शेतकऱ्यांच्या हितासाठी सातत्याने प्रयत्नशील राहण्याचा निर्धार यावेळी व्यक्त करण्यात आला.


कार्यक्रमाला जवळा (खुर्द) सरपंच सागर लोमटे, श्री. शितल गायकवाड, व्यवस्थापक श्री. सादीक मुंढे, लेखाधिकारी श्री. घाडगे साहेब, श्री. लोमटे साहेब, सुरक्षा अधिकारी श्री. थोडसरे साहेब, शेतकी अधिकारी श्री. कदम साहेब, श्री. अमोल शेळके यांच्यासह परिसरातील अनेक मान्यवर उपस्थित होते.


या पूजन सोहळ्यानंतर कारखान्याचा गळीत हंगाम सुरळीत आणि यशस्वी व्हावा, तसेच ऊस उत्पादक शेतकऱ्यांना योग्य दर आणि वेळेत गाळप मिळावे, यासाठी शुभेच्छा देण्यात आल्या.


 हा गळीत हंगाम शेतकऱ्यांसाठी लाभदायी ठरणार असल्याचा विश्वास व्यक्त करत कारखाना व्यवस्थापनाने शेतकरी बांधवांना सहकार्याचे आवाहन केले.


टिप्पणी पोस्ट करा

0 टिप्पण्या