गृह राज्यमंत्री योगेश कदम यांनी घेतले श्री तुळजाभवानी मातेचे दर्शन

प्रतिनिधी : जुबेर शेख 

तुळजापूर – महाराष्ट्र राज्याचे गृह राज्यमंत्री योगेश कदम यांनी तुळजापूर येथे येऊन श्री तुळजाभवानी मातेचे दर्शन घेतले. या पवित्र स्थळी त्यांनी राज्याच्या सुख, समृद्धी व शांततेसाठी देवीची आराधना केली.

गृह राज्यमंत्री कदम यांच्या स्वागतासाठी शिवसेनेच्या वतीने मोठा उत्साह दिसून आला. शिवसेना जिल्हाप्रमुख पनुरे, शिवसैनिक अमोल जाधव,सहसंपर्कप्रमुख अमरराजे परमेश्वर यांच्यासह अनेक शिवसैनिकांनी गृहमंत्र्यांचा सत्कार केला. यावेळी त्यांना पुष्पगुच्छ, शाल व श्रीफळ देऊन सन्मानित करण्यात आले.

सत्कार सोहळ्यावेळी शिवसेनेचे अनेक पदाधिकारी व कार्यकर्ते मोठ्या संख्येने उपस्थित होते. या दौऱ्यामुळे तुळजापूर परिसरात उत्साहाचे वातावरण निर्माण झाले होते. गृहमंत्र्यांच्या भेटीमुळे स्थानिक कार्यकर्त्यांमध्ये नवा उत्साह संचारला आहे.