३ वर्षीय इशरा जुनेद शेख हिने पूर्ण केला जीवनातील पहिला रमजान उपवास

प्रतिनिधी : जुबेर शेख 

कळंब – मोमीन गल्ली, कळंब येथील रहिवासी जुनेद शेख यांची कन्या इशरा जुनेद शेख हिने आपल्या जीवनातील पहिला रमजान उपवास पूर्ण करून कौतुकास्पद उदाहरण घडवले आहे. अवघ्या तीन वर्षांची असलेल्या इशराने पूर्ण दिवस उपवास करून धार्मिक श्रद्धेचे दर्शन घडवले.

रमजान हा इस्लाम धर्मातील पवित्र महिना मानला जातो. या महिन्यात रोजे (उपवास) ठेवण्याची प्रथा असून, वयात आलेल्या मुस्लिम बांधवांसाठी हे अनिवार्य असते. मात्र, लहान वयातच इशराने उपवास करून कौतुक मिळवले आहे. तिच्या या उपवासाचे कुटुंबीय, नातेवाईक व परिसरातील नागरिकांनी अभिनंदन केले.

कुटुंबीयांनी आनंद व्यक्त करताना सांगितले की, इशराने स्वतःहून उपवास करण्याची इच्छा व्यक्त केली आणि पूर्ण दिवस उपवास केला. तिच्या आत्मशिस्तीने आणि श्रद्धेने संपूर्ण समाजात प्रेरणादायी संदेश दिला आहे.

या निमित्ताने कुटुंबीयांसह स्थानिकांनी इशराचे कौतुक करत तिला शुभेच्छा दिल्या.