आझाद मैदानावरील मनोज जरांगे पाटील यांच्या मागण्यांना मेडसिंगा ग्रामपंचायतीचा पाठिंबा

 

प्रतिनिधी: जुबेर शेख 

धाराशिव : मराठा समाजाला ओबीसी प्रवर्गातून आरक्षण मिळावे या मागणीसाठी गेल्या काही वर्षांपासून लढा सुरू आहे. सध्या मुंबई येथील आझाद मैदानावर मनोज दादा जरांगे पाटील आमरण उपोषण करत असून त्यांच्या आरक्षणाच्या मागणीला मेडसिंगा ग्रामपंचायतीचा ठाम पाठिंबा मिळाला आहे.

ग्रामपंचायत मेडसिंगा यांनी मुख्यमंत्री मा. देवेंद्रजी फडणवीस यांना पत्र पाठवून जरांगे पाटील यांच्या मागण्या तातडीने मान्य करून तोडगा काढावा अशी मागणी केली आहे. उपोषणामुळे जरांगे पाटील यांची प्रकृती खालावत असून सरकारने याकडे गांभीर्याने लक्ष घालून मागण्या पूर्ण कराव्यात, अन्यथा उद्भवणाऱ्या परिणामांसाठी सरकार जबाबदार राहील, असे पत्रात नमूद करण्यात आले आहे.

ग्रामपंचायत मेडसगा यांच्या वतिने पत्र पाठवून मराठा समाजाच्या न्याय्य हक्कांच्या लढ्याला पाठींबा दिला आहे.