भूमी अभिलेख कार्यालयातील निमतानदाराला लाच घेताना रंगेहाथ पकडले!

प्रतिनिधी : जुबेर शेख 

धाराशिव : भूमी अभिलेख कार्यालय कळंब, जिल्हा धाराशिव येथील निमतानदार शेतजमिनीच्या मोजणीच्या कामासाठी 5,000 रुपयांची लाच मागितल्याचा प्रकार उघडकीस आला असून, लाचलुचपत प्रतिबंधक विभागाच्या (ला.प्र.वि.) कारवाईत आरोपी राजू गंगाराम काळे याला 3,000 रुपयांची लाच स्वीकारताना रंगेहाथ पकडण्यात आले आहे.

तक्रारदाराची माहिती:

तक्रारदार, वय 24 वर्षे, यांनी त्यांच्या नावावर असलेल्या गट क्र. 239 या शेतजमिनीची हद्द कायम मोजणीसाठी उपअधिक्षक भूमी अभिलेख कार्यालय, कळंब येथे अर्ज दिला होता. यावरून 8 मे 2025 रोजी संबंधित अधिकाऱ्यांनी मोजणी केली. त्यानंतर राजू काळे यांनी हद्द कायमच्या खुणा करण्यासाठी 5,000 रुपयांची लाच मागितली.

तक्रार आणि पडताळणी:

तक्रारदाराने तात्काळ ला.प्र.वि. धाराशिव कार्यालयात तक्रार दिली. दिनांक 9 मे रोजी शिवाजी चौक, कळंब येथे पंचासमक्ष पडताळणी केली असता, आरोपी काळे यांनी लाच मागणी केली असल्याचे स्पष्ट झाले. तडजोडीनुसार त्यांनी पहिल्या हप्त्याच्या स्वरूपात 3,000 रुपये स्विकारण्याचे मान्य केले.

सापळा कारवाई:

9 मे रोजी सापळा रचण्यात आला. यामध्ये आरोपी काळे यांनी तक्रारदाराकडून पंचासमक्ष 3,000 रुपये लाच रक्कम स्वीकारली व त्यांना रंगेहाथ पकडण्यात आले.

आरोपीकडून जप्त केलेल्या वस्तू:

लाच रक्कम: 3,000 रुपये

इतर रोख रक्कम: 7,620 रुपये

5 ग्रॅम वजनाची पिवळ्या धातूची अंगठी

शेतमोजणी संबंधित फाईल

Vivo मोबाईल

Asus लॅपटॉप

घरझडती: आरोपीच्या राहत्या घराची झडती सुरू आहे.

आरोपीविरोधात गुन्हा नोंदविण्याची प्रक्रिया:

भ्रष्टाचार प्रतिबंध अधिनियम 1988 च्या कलम 7 अंतर्गत आरोपीविरुद्ध कळंब पोलीस ठाण्यात गुन्हा नोंदविण्याची प्रक्रिया सुरू असून, आरोपीला अटक करून पुढील तपास केला जाणार आहे.

मोबाईल तपासणी: आरोपीचा मोबाईल जप्त करून त्यावर सखोल तपास करण्यात येणार आहे.

संपर्क अधिकारी:

सापळा अधिकारी: श्री. नानासाहेब कदम, पो.नि. ला.प्र.वि. धाराशिव (मो. 9922207499)

सापळा पर्यवेक्षण अधिकारी: श्री. सिद्धाराम म्हेत्रे, पो.उप.अ. ला.प्र.वि. धाराशिव (मो. 9594658686)

मार्गदर्शक अधिकारी: श्री. संदीप आटोळे, पोलीस अधीक्षक, ला.प्र.वि. संभाजीनगर (मो. 9923023361)

श्री. मुकुंद आघाव, अपर पोलीस अधीक्षक, ला.प्र.वि. संभाजीनगर (मो. 9881460103)

जनतेस आवाहन:

कोणताही अधिकारी किंवा कर्मचारी लाचेची मागणी करत असल्यास, तात्काळ ला.प्र.वि. टोल फ्री क्रमांक 1064 किंवा वरील अधिकाऱ्यांशी संपर्क साधावा.