शेतकऱ्यांच्या हक्कासाठी प्रहारचा मशाल मोर्चा – ११ एप्रिलला मध्यरात्री लातूर जिल्ह्यातील आमदार निवासस्थानांसमोर होणार आंदोलन

प्रतिनिधी : अशोक गरड 

लातूर – शेतकऱ्यांची कर्जमाफी झालीच पाहिजे व त्यांच्या मालाला हमीभाव मिळालाच पाहिजे, या दोन प्रमुख मागण्यांसाठी प्रहार जनशक्ती पक्षाने राज्यव्यापी आंदोलनाची हाक दिली आहे. याचाच एक भाग म्हणून ११ एप्रिल २०२५ रोजी मध्यरात्री १२ वाजता लातूर जिल्ह्यातील सहा आमदारांच्या निवासस्थानाबाहेर मशाल आंदोलन करण्यात येणार आहे.

या आंदोलनाचा उद्देश स्थानिक आमदारांनी शेतकऱ्यांच्या मागण्यांची गंभीर दखल घ्यावी व त्या मुख्यमंत्र्यांपर्यंत पोहोचवाव्यात, हा आहे. प्रहार जनशक्ती पक्षाच्या कार्यकर्त्यांनी शांततेच्या मार्गाने आंदोलन करण्याचा निर्धार व्यक्त केला असून, मशाल, निळा गमजा व भगवा झेंडा घेऊन हे आंदोलन करण्यात येईल.

लातूर जिल्ह्यातील आंदोलन स्थळे व आमदारांची नावे पुढीलप्रमाणे:

1. आ. अमित विलासराव देशमुख – निवासस्थान: बाभळगाव

2. आ. अभिमन्यु पवार – निवासस्थान: औसा शहर

3. आ. संभाजी पाटील निलंगेकर – निवासस्थान: निलंगा शहर

4. आ. संजय बनसोडे – निवासस्थान: उदगीर शहर

5. आ. रमेश कराड – निवासस्थान: एम.आय.टी. कॉलेज, लातूर

6. आ. बाबासाहेब पाटील (सहकारमंत्री) – निवासस्थान: अहमदपूर

प्रहार जनशक्ती पक्षाच्या वतीने सांगण्यात आले की, "शेतकऱ्यांची ही लढाई संपूर्ण राज्यासाठी आहे. आमचं आंदोलन शांततेचं असेल, पण ठाम असेल." अशी माहीती प्रहार जनशक्ती पक्षाचे जिल्हाध्यक्ष राजाभाऊ चौगुले यांनी सांगितले आहे.

या आंदोलनामुळे जिल्ह्यात पोलीस प्रशासन सज्ज असून, कायदा व सुव्यवस्था राखण्यासाठी आवश्यक ती खबरदारी घेतली जात आहे.