बिरवली (ता. औसा) येथील अपात्र सरपंचाचा मुलगा खुर्चीचा गैरवापर करीत असल्याचा आरोप – प्रहार संघटनेचा आंदोलनाचा इशारा!

प्रतिनिधी : अशोक गरड 

औसा: मौजे बिरवली येथील सरपंचाने जात वैधता प्रमाणपत्र वेळेत सादर न केल्यामुळे त्यांना सरपंच पदासाठी अपात्र ठरविण्यात आले आहे. परंतु, अपात्र ठरविण्यात आले असतानाही संबंधित सरपंचाचा मुलगा गावातील सरपंच पदाच्या खुर्चीचा सर्रास गैरवापर करत असल्याचे प्रकार समोर येत आहेत.

या प्रकारामुळे गावकऱ्यांमध्ये तीव्र नाराजी व्यक्त केली जात असून, प्रशासनाच्या भूमिकेवरही प्रश्नचिन्ह निर्माण झाले आहे. सरपंच पदावर अपात्र ठरलेला व्यक्ती अथवा त्याच्या कुटुंबातील कोणीही त्या पदाचा अधिकृत वापर करू शकत नाही. मात्र, तरीही सरपंचाचा मुलगा ग्रामपंचायत कार्यालयात खुर्चीवर बसून गावातील कामकाजात हस्तक्षेप करत असल्याची माहिती ग्रामस्थांनी दिली आहे.

या संदर्भात प्रहार जनशक्ती पक्षाने तीव्र नाराजी व्यक्त केली असून,तसेच वाटस् अप वरून गट विकास अधिकारी यांच्याकडे तक्रार केली आहे. व गट विकास अधिकारी यांनी याची सखोल चौकशी करून दोषींवर तातडीने योग्य ती कायदेशीर कारवाई करावी, अशी मागणी केली आहे. अन्यथा, प्रहारचे लातूर जिल्हा उपाध्यक्ष सयाजी पाटील यांनी आपल्या खास आंदोलन शैलीत रस्त्यावर उतरेल, असा इशारा दिला आला आहे.

प्रहार संघटनेचे पदाधिकारी लवकरच यासंदर्भात तहसीलदार आणि जिल्हाधिकारी यांच्याकडे निवेदन देणार असून, प्रशासनाने जर याकडे दुर्लक्ष केले तर मोठ्या प्रमाणावर आंदोलन उभे करण्याचा निर्धार त्यांनी व्यक्त केला आहे.

गावातील सामान्य नागरिक या गैरवर्तनामुळे त्रस्त झाले असून, प्रशासनाने या प्रकाराची गंभीर दखल घेऊन त्वरित पावले उचलावी, अशी मागणी सयाजी पाटील यांनी केली आहे.