रमजान सणानिमित्त मुस्लिम बांधवांना किराणा साहित्य वाटप

प्रतिनिधी : जुबेर शेख 

तुळजापूर: रमजान सणानिमित्त जनसेवक अमोल भैय्या कुतवळ मित्र परिवार यांच्या वतीने (दि.३०) रोजी मुस्लिम बांधवांना किराणा साहित्य वाटप करण्यात आले. या सामाजिक उपक्रमात अनेक मान्यवर आणि स्थानिक नागरिक मोठ्या संख्येने सहभागी झाले होते.

या कार्यक्रमाला महाविकास आघाडीचे नेते व काँग्रेस जिल्हाध्यक्ष धीरज भैय्या पाटील, शाम काका पवार, सुधीर कदम, नागनाथ भाऊ भांजी, रणजीत भैय्या इंगळे, युसुफ भाई शेख, बाळासाहेब कदम, राहुल खपले, आनंद मालक जगताप, सुनील मामा शिंदे, तोफिक शेख, अक्षय भैय्या परमेश्वर, आकाश शिंदे तसेच वासुदेव गल्ली आणि गंगा निवास परिसरातील मुस्लिम बांधव व महिला मोठ्या संख्येने उपस्थित होते.

कार्यक्रमादरम्यान उपस्थित मान्यवरांनी रमजानच्या पवित्र महिन्याच्या शुभेच्छा दिल्या आणि सामाजिक एकता व सहकार्याचे महत्त्व अधोरेखित केले. जनसेवक अमोल भैय्या कुतवळ यांनी या उपक्रमाच्या उद्देशाबाबत बोलताना सांगितले की, रमजानच्या निमित्ताने मुस्लिम बांधवांना मदत करण्याचा हा एक प्रयत्न असून, समाजातील सर्व घटकांना समान न्याय आणि मदतीची संधी मिळावी, हा यामागील हेतू आहे.

मुस्लिम बांधवांनी या मदतीबद्दल समाधान व्यक्त केले आणि समाजातील सर्व लोकांनी एकमेकांच्या सणांमध्ये सहभाग घेतल्यास सामाजिक ऐक्य वाढेल, असे मत व्यक्त केले. संपूर्ण कार्यक्रम अत्यंत उत्साहात पार पडला आणि उपस्थितांनी समाधान व्यक्त केले.

या उपक्रमामुळे सर्वधर्मीय ऐक्य आणि सामाजिक सलोख्याचा सुंदर संदेश देण्यात आला. भविष्यातही असे उपक्रम राबवले जातील, अशी ग्वाही आयोजकांनी दिली.