प्रतिनिधी : जुबेर शेख
तुळजापूर:टाटा सामाजिक विज्ञान संस्था (TISS), तुळजापूर आणि नाबार्डच्या संयुक्त विद्यमाने राबविण्यात आलेल्या "आदर्श वडगाव लाख पाणलोट क्षेत्र विकास प्रकल्प" अंतर्गत विविध कामांची जिल्हाधिकारी मा. किर्ती किरण पुजार यांनी पाहणी केली. यामध्ये कंटूर ट्रेंच (CCT), गल्ली प्लग, सिमेंट बंधारे, वृक्षलागवड आदी महत्त्वपूर्ण कामांचा समावेश आहे.
पाहणी दौऱ्यात प्रमुख मान्यवरांची उपस्थिती
या दौऱ्यात तहसीलदार श्री. अरविंद बोळंगे, वरिष्ठ भूवैज्ञानिक श्री. सी. डी. चव्हाण, टाटा सामाजिक विज्ञान संस्थेचे कॅम्पस संचालक प्रो. बाळ राक्षसे यांच्या मार्गदर्शनाखाली डॉ. संपत काळे, श्री. गणेश चादरे, श्री. देविदास कदम, श्री. शंकर ठाकरे, श्री. आनंद भालेराव यांनी योगदान दिले. तसेच कोहिजन संस्थेचे डॉ. दयानंद वाघमारे, मनोहर दावणे (सरपंच), शाहूबाई चंदनशिवे, उपसरपंच राजेंद्र करंडे, ग्रामसेवक सय्यद, श्री. रावण सपकाळ तसेच स्थानिक ग्रामस्थ मोठ्या संख्येने उपस्थित होते.
पाणलोट क्षेत्र विकास जिल्ह्याच्या प्रगतीसाठी महत्त्वाचा – जिल्हाधिकारी
यावेळी जिल्हाधिकारी मा. किर्ती किरण पुजार यांनी पाणलोट क्षेत्र विकास हे गाव विकासाचे दिशादर्शक कार्य असल्याचे सांगितले. त्यांनी धाराशिव जिल्हा विकसित करण्यासाठी पाणी, शेती आणि पर्यटन ही त्रिसूत्री अत्यंत महत्त्वाची असून, त्यासाठी लोकसहभाग आवश्यक आहे असे स्पष्ट केले.
स्थानिक ग्रामस्थांचा उत्स्फूर्त सहभाग
ग्रामस्थांनी या प्रकल्पाविषयी समाधान व्यक्त केले. या कामामुळे शेतीला पाणी उपलब्ध होण्यास मदत होणार असून जलसंवर्धनामुळे भविष्यात शेती उत्पादनात वाढ होईल, असा विश्वास स्थानिकांनी व्यक्त केला.
कार्यक्रमाचे सूत्रसंचालन व आभार प्रदर्शन
कार्यक्रमाचे प्रास्ताविक ग्रामसेवक सय्यद यांनी केले. तसेच प्रकल्पाच्या यशस्वी अंमलबजावणीसाठी सहकार्य करणाऱ्या सर्वांचे आभार श्री. गणेश चादरे यांनी मानले.
0 टिप्पण्या