ग्लोबल ख्रिश्चन ॲक्शन कमिटीच्या महिला विभागाच्या पुणे जिल्हा सरचिटणीसपदी मोहिनी मोरे यांची नियुक्ती

 

प्रतिनिधी : प्रविण मोरे

पुणे : ग्लोबल ख्रिश्चन ॲक्शन कमिटी महाराष्ट्र राज्य यांच्या वतीने आज पुणे येथे आयोजित करण्यात आलेल्या विशेष मार्गदर्शन व पदनियुक्ती कार्यक्रमात महिला विभागाच्या पुणे जिल्हा सरचिटणीसपदी मोहिनी मोरे यांच्या नियुक्तीची अधिकृत घोषणा करण्यात आली. कमिटीचे विविध पदाधिकारी, सदस्य आणि कार्यकर्ते मोठ्या संख्येने उपस्थित असलेल्या या सोहळ्यात नवीन नेतृत्वाची निवड जाहीर होताच उपस्थितांनी उत्स्फूर्त प्रतिसाद दिला.

कार्यक्रमाच्या प्रारंभी कमिटीच्या वरिष्ठ पदाधिकाऱ्यांनी संस्थेच्या आगामी कार्ययोजना, सामाजिक उपक्रम, महिला सक्षमीकरण आणि ख्रिश्चन समाजाच्या एकात्मतेसाठी असलेल्या विविध योजनांबाबत सविस्तर मार्गदर्शन केले. त्यानंतर जिल्हा स्तरावरील काही महत्त्वाच्या पदांची निवड करण्यात आली. याच वेळी अध्यक्षांच्या हस्ते मोहिनी मोरे यांची पुणे जिल्हा महिला विभागाच्या सरचिटणीस म्हणून नियुक्ती जाहीर झाली. त्यांच्या नियुक्तीनंतर त्यांना यशस्वी कार्यकाळासाठी मनःपूर्वक शुभेच्छाही देण्यात आल्या.

कमी वयात स्वतःच्या व्यवसायात उल्लेखनीय यश प्राप्त करीत उंच शिखर गाठणाऱ्या मोहिनी मोरे यांनी आपल्या मेहनतीवर, शिस्तीवर आणि सामाजिक बांधिलकीवर आधारित कार्यशैलीमुळे हे पद मिळवल्याचे अनेक ज्येष्ठ पदाधिकाऱ्यांनी सांगितले. त्यांच्या नेतृत्वामुळे महिला विभाग आणखी सक्षम होईल, असा विश्वास कमिटीच्या वतीने व्यक्त करण्यात आला.

त्यांच्या निवडीची घोषणा होताच सोशल मीडियावर शुभेच्छांचा वर्षाव सुरू झाला असून अनेक सामाजिक कार्यकर्ते, महिला नेते, व्यावसायिक सहकारी तसेच मित्रपरिवाराकडून अभिनंदन संदेशांचा वर्षाव होत आहे.कार्यक्रमाला त्यांच्या सदैव साथ देणारे पती प्रवीण मोरेही उपस्थित होते. त्यांनीही या सोहळ्यात सहभाग घेऊन पत्नीच्या या यशाचा अभिमान व्यक्त केला.

ग्लोबल ख्रिश्चन ॲक्शन कमिटीच्या महिला विभागात उत्साहाचे नवे पर्व सुरू करणारी ही निवड ठरली असून आगामी काळात मोहिनी मोरे कोणते नवोन्मेषी उपक्रम राबवतात याकडे पुणे जिल्ह्याचे लक्ष आहे.