प्रतिनिधी : जुबेर शेख
तुळजापूर : महाराष्ट्राची कुलस्वामिनी श्री तुळजाभवानी मंदिरात दरवर्षी महाराष्ट्रासह कर्नाटक, आंध्रप्रदेश, तेलंगणा व इतर राज्यांतून मोठ्या प्रमाणावर भाविक दर्शनासाठी तुळजापूर शहरात दाखल होत असतात. तसेच भाविक आपला कुलधर्म व कुलाचार पार पाडण्यासाठीही या ठिकाणी येतात.
मात्र सद्य:स्थितीत कोरोनासारख्या विषाणूंच्या नविन धोक्याच्या पार्श्वभूमीवर, मंदिर व्यवस्थापनाकडून भाविकांना काही महत्त्वाच्या सूचनांचे पालन करण्याचे आवाहन करण्यात आले आहे.
दिनांक ७ जून २०२५ रोजी प्रसिद्ध करण्यात आलेल्या अधिकृत पत्रकानुसार, मंदिरात येणाऱ्या सर्व भाविकांनी श्री देवींच्या दर्शनासाठी येताना मास्क वापरणे, सॅनिटायझरचा वापर करणे व सोशल डिस्टन्स राखणे बंधनकारक करण्यात आले आहे.
ही सूचना सर्व भाविक, पुजारी व नागरिकांनी गांभीर्याने घ्यावी, असे आवाहन श्री तुळजाभवानी मंदिर संस्थानचे तहसीलदार तथा व्यवस्थापक अरविंद बोळंगे यांनी केले आहे.
0 टिप्पण्या