प्रतिनिधी : पवन वाघमारे
काक्रंबा - येथील महात्मा फुले युवा मंच आणि हरिहर गणेश मंडळ यांच्या संयुक्त विद्यमाने क्रांतीसूर्य महात्मा ज्योतिबा फुले यांच्या जयंतीनिमित्त भव्यदिव्य मिरवणुकीचे आयोजन करण्यात आले आहे. या निमित्ताने 2025 वर्षासाठी नवीन कार्यकारिणीची घोषणा करण्यात आली.
जयंतीनिमित्त 11 एप्रिल रोजी सकाळी महात्मा ज्योतिराव फुले यांच्या प्रतिमेचे पूजन करण्यात येणार आहे. त्यानंतर सायंकाळी चार वाजता गावातून भव्य मिरवणूक काढण्यात येणार आहे. या मिरवणुकीत ग्रामस्थ, तरुणाई आणि विविध सामाजिक मंडळे उत्स्फूर्तपणे सहभागी होणार आहेत.
2025 कार्यकारिणी जाहीर
अध्यक्ष: सचिन काळे
उपाध्यक्ष: संतोष शिरसागर
सचिव: दीपक क्षीरसागर
मिरवणूक प्रमुख: बालाजी गोडसे, महेश शिरसागर, हरी शिरसागर, प्रशांत गरड, गजानन वाघमारे, दयानंद वाघमारे
मार्गदर्शक: नितीन फुलसुंदर, सागर वाघमारे, हरिदास वाघमारे, पवन बालाजी वाघमारे, योगेश म्हेत्रे
जयंती सोहळ्यास उत्स्फूर्त प्रतिसाद
कार्यक्रमास ग्रामस्थ आणि विविध मान्यवर उपस्थित राहणार आहेत. यामध्ये शिवाजी शिरसागर, नाना बनसोडे, रणजीत सुरवशे, प्रमोद काशीद, तुकाराम शिरसागर, प्रसाद मोरे, समाधान मोरे, मनोज वाघमारे, रोहन क्षीरसागर, ॲड. सागर शिरसागर, गोविंद शिरसागर, हरी वाघमारे, शशिकांत सोमनाथ सुरवसे यांचा समावेश आहे.
ग्रामस्थ आणि महात्मा फुले युवा मंच तसेच हरिहर गणेश मंडळाच्या पदाधिकाऱ्यांनी या सोहळ्याच्या आयोजनात मोलाचे योगदान दिले आहे. मिरवणुकीदरम्यान महात्मा फुले यांच्या विचारांचा प्रचार व प्रसार करण्यात येणार आहे. गावात सर्वत्र उत्साहाचे वातावरण असून, संपूर्ण काक्रंबा गाव या जयंती सोहळ्याच्या तयारीत मग्न आहे.
महात्मा फुले यांच्या सामाजिक योगदानाची आठवण ठेवत, हा जयंती सोहळा प्रेरणादायी ठरणार आहे. या सोहळ्याला मोठ्या संख्येने उपस्थित राहण्याचे आवाहन आयोजकांनी केले आहे.
0 टिप्पण्या