बिरवली येथे ‘श्री गणेशा आरोग्य अभियानांतर्गत’ आरोग्य शिबिराचे आयोजन

प्रतिनिधी : सयाजी पाटील 

औसा: एकंबीतांडा उपकेंद्रांतर्गत बिरवली येथे दिनांक 06 सप्टेंबर 2025 रोजी ग्रामपंचायत कार्यालय बिरवली, श्री शिवछत्रपती गणेश मंडळ बिरवली आणि प्राथमिक आरोग्य केंद्र उजनी यांच्या संयुक्त विद्यमाने श्री गणेशा आरोग्य अभियानांतर्गत आरोग्य शिबिर आयोजित करण्यात आले.

या शिबिरामध्ये डॉ. राजपाल कदम यांच्या मार्गदर्शनाखाली विविध आरोग्य तपासण्या घेण्यात आल्या. रुग्ण तपासणीसाठी आरोग्य विभागातील कर्मचारी व अधिकारी वर्ग उपस्थित होते. त्यामध्ये –

श्रीमती कमले (सिस्टर)

श्री मसलेकर (सिस्टर)

श्री कारंडे (MPW)

श्री बुये (MPW)

श्री मुसने (HA)

हेडे मॅडम (BF)

सौ. महानंदा पांचाळ (आशा)

सौ. रंजना गरड (आशा)

आणि सर्व आरोग्य कर्मचारी यांचा समावेश होता.

या शिबिरादरम्यान गावातील तब्बल 106 रुग्णांची तपासणी करण्यात आली. रुग्णांना आवश्यक ती प्राथमिक औषधे व गोळ्या मोफत उपलब्ध करून देण्यात आल्या.

आरोग्य शिबिर यशस्वी होण्यासाठी ग्रामपंचायत कार्यालय बिरवलीचे उपसरपंच अमित लिंबराज पाटील, ग्रामपंचायत कर्मचारी तसेच श्री शिवछत्रपती गणेश मंडळाचे पदाधिकारी, अक्षय जंगले, अनिल करडे, बालाजी गरड, अंकुश सुरवसे, हरी गरड, रितेश हिप्परकर, गणेश करडे आदींनी विशेष परिश्रम घेतले.

गावकऱ्यांनी या शिबिराला उत्स्फूर्त प्रतिसाद दिला असून, आरोग्य तपासणीबाबत ग्रामस्थांत समाधानाचे वातावरण निर्माण झाले आहे.