चोरीच्या मोटारसायकलसह आरोपी अटक

उस्मानाबाद जिल्हा प्रतिनिधी : रुपेश डोलारे

ढोकी पोलीस ठाणे : दत्तनगर, ढोकी येथील- विकी धनंजय लोमटे यांची हिरो होंडा पॅशन प्लस मोटारसायकल क्र. एम.एच. २५ ए ९५१५ अंदाजे २०,००० ₹ किंमतीची दि. २६-०९-२०२२ रोजी १६.०० वा. सु. ढोकी पेट्रोल पंप चौकातील ॲक्सीस बँक एटीएम केंद्रासमोरुन अज्ञात व्यक्तीने चोरुन नेली होती. यावरुन विकी लोमटे यांनी दि. २७-०९-२०२२ रोजी दिलेल्या प्रथम खबरेवरुन भा.दं.सं. कलम- ३७९ अंतर्गत ढोकी पो.ठा. येथे गुन्हा क्र. २३१/२०२२ हा नोंदवला आहे.

सदर गुन्हा तपासादरम्यान मा. पोलीस अधीक्षक श्री. अतुल कुलकर्णी व कळंब उप विभागाचे सहायक पोलीस अधीक्षक श्री. एम. रमेश यांच्या मार्गदर्शनाखाली ढोकी पो.ठा. च्या सपोनि- श्री. जगदीश राऊत, पोलीस अंमलदार- सातपुते, क्षिरसागर, खोकले, थाटकर यांच्या पथकाने कौशल्यपुर्ण तपास केला. यात मिळालेल्या गोपनीय माहितीच्या व सीसीटीव्ही फुटेजच्या आधारे एकुरगा ता. कळंब येथील- बबलु अंकुश पवार उर्फ बबन, वय २७ वर्षे यास आज दि. २९ सप्टेंबर रोजी तुळजापूर शहरातून नमूद चोरीच्या मोटारसायकलसह ताब्यात घेउन त्यास अटक केली असुन गुन्ह्याचा अधिक तपास चालू आहे.