महसूल मंत्री चंद्रशेखर बावनकुळे यांचा ७ व ८ ऑगस्ट रोजीचा सुधारित धाराशिव जिल्हा दौरा

 

प्रतिनिधी : जुबेर शेख 

धाराशिव : महसूल मंत्री श्री.चंद्रशेखर बावनकुळे हे ७ व ८ ऑगस्ट रोजी जिल्ह्याच्या दौऱ्यावर आहे.त्यांचा दौरा कार्यक्रम पुढीलप्रमाणे आहे.

छत्रपती संभाजीनगर येथून मोटारीने ७ ऑगस्ट रोजी सकाळी ११:३० वाजता धाराशिव येथे आगमन. सकाळी ११ : ३५ वाजता जिल्हाधिकारी कार्यालय येथे नागरिकांची निवेदन स्वीकारतील. दुपारी १२:१५ वाजता जिल्हाधिकारी कीर्ती किरण पुजार यांच्या समवेत महसूल,मुद्रांक शुल्क व नोंदणी आणि भूमी अभिलेख विभागाचा आढावा घेतील.

दुपारी ३:१५ वाजता जिल्हाधिकारी कार्यालयातील सभागृहात पत्रकार परिषद घेतील.दुपारी ३:४५ वाजता भाजप कार्यालय,प्रतिष्ठान भवन येथे राखीव. सायंकाळी ४:४५ वाजता मोटारीने धाराशिव येथून तुळजापूरकडे प्रयाण.सायंकाळी ५ वाजता तुळजापूर येथे आगमन व आई तुळजाभवानी मातेचे दर्शन घेतील.सायंकाळी ५:२५ वाजता भवानी तीर्थकुंड,घाटशीळ रोड पार्किंग तुळजापूर येथे श्रीक्षेत्र तुळजापूर विकास आराखडा मंजूर केल्याबद्दल तुळजापूर नागरी सत्कार सोहळा समितीच्या वतीने आयोजित नागरी सत्कार कार्यक्रमाला उपस्थिती.सायंकाळी ६:२५ वाजता मोटारीने तुळजापूर येथून मुरूम ता.उमरगाकडे प्रयाण.सायंकाळी ७:२५ वाजता श्री विठ्ठलसाई सहकारी साखर कारखाना मुरूम येथे आगमन व राखीव.७:४५ वाजता शेतकरी मेळाव्याला उपस्थिती.रात्री मुरूम येथे मुक्काम.

८ ऑगस्ट रोजी सकाळी ८:३० वाजता मोटारीने मुरूम येथून उमरगाकडे प्रयाण.सकाळी ८:४५ उमरगा येथे आगमन व भाजपा जिल्हाध्यक्ष श्री.संताजी चालुक्य यांचे निवासस्थानी भेट.सकाळी ९ वाजता उमरगा येथून अंबड जि.जालनाकडे प्रयाण करतील.