पोलीस निरीक्षकासह महिला पोलीस कर्मचाऱ्याला ९५ हजारांची लाच घेताना धाराशिव लाचलुचपत प्रतिबंधक विभागाने रंगेहात पकडले

 

प्रतिनिधी : जुबेर शेख 

धाराशिव:धाराशिव जिल्ह्यात लाचलुचपत प्रतिबंधक विभागाने (Anti-Corruption Bureau - ACB) एक मोठी आणि महत्त्वपूर्ण सापळा कारवाई करत पोलीस निरीक्षकासह महिला पोलीस कर्मचाऱ्याला ९५ हजार रुपयांची लाच स्वीकारताना रंगेहाथ अटक केली आहे.

या प्रकरणात मुलाच्या गुन्ह्यात मदतीसाठी लाच मागणाऱ्या पोलीस कर्मचाऱ्यांचा पर्दाफाश करण्यात आला आहे.

🔹 प्रकरणाचा तपशील :

धाराशिव येथील एका ४८ वर्षीय महिलेने तक्रार दिली होती की, तिच्या मुलाच्या गुन्ह्यात मदत करण्याच्या बदल्यात पोलीस निरीक्षक मारोती शेळके व महिला पोलीस कर्मचारी मुक्ता लोखंडे यांनी मिळून १ लाख रुपयांची लाच मागितली होती.

तक्रारीची प्राथमिक पडताळणी झाल्यानंतर लाचलुचपत प्रतिबंधक विभागाने २५ जून २०२५ रोजी शासकीय पंचासह सापळा रचला.

🔹 रंगेहाथ कारवाई :

तयारीनुसार तक्रारदार महिलेकडून ९५ हजार रुपयांची रक्कम घेण्यासाठी मुक्ता लोखंडे यांनी शासकीय विश्रामगृह, धाराशिव येथे तडजोडीअंती लाच स्वीकारली.

महिला पंचांच्या उपस्थितीत लोखंडे यांना रंगेहाथ पकडण्यात आले.

🔹 आरोपींची माहिती :

1. मारोती निवृत्ती शेळके (वय ५४), पोलीस निरीक्षक, पोस्टे धाराशिव ग्रामीण

2. मुक्ता प्रकाश लोखंडे (वय ३४), महिला पोलीस नाईक (1671), पोस्टे धाराशिव ग्रामीण

🔹 घरझडती व जप्ती :

मुक्ता लोखंडे यांच्या अंगझडतीत ओपो मोबाईल, बजाज मोटारसायकल, चावी, आणि ओळखपत्र जप्त.

मारोती शेळके यांच्या अंगझडतीत विवो आणि मोटोरोला मोबाईल जप्त करण्यात आले.

जप्त केलेल्या मोबाईलचे तांत्रिक विश्लेषण सुरु आहे.

🔹 कायदेशीर कारवाई :

मुक्ता लोखंडे यांच्यावर भ्रष्टाचार प्रतिबंधक अधिनियम 1988 चे कलम 7 आणि 7-A नुसार

मारोती शेळके यांच्यावर कलम 12 नुसार गुन्हा दाखल करण्याची प्रक्रिया सुरू आहे.

🔹 सापळा कारवाईचे नेतृत्व :

सापळा अधिकारी : श्री. योगेश वेळापुरे, पोलीस उपअधीक्षक, ACB धाराशिव

सहायक सापळा अधिकारी : बाळासाहेब नरवटे, पोलीस निरीक्षक

मार्गदर्शक अधिकारी :

श्री. संदीप आटोळे, पोलीस अधीक्षक, ACB छत्रपती संभाजीनगर

श्री. मुकुंद अघाव, अपर पोलीस अधीक्षक

🔹 नागरिकांना आवाहन :

कोणताही शासकीय अधिकारी किंवा त्यांच्या वतीने कोणीही शासकीय कामासाठी कायदेशीर फी व्यतिरिक्त लाच मागत असेल, तर नागरिकांनी त्वरित खालील क्रमांकांवर संपर्क साधावा :

टोल फ्री क्र.: 1064

पोलीस उपअधीक्षक, ACB धाराशिव : 02472-222879