पोलिसांची मोठी कारवाई ; पोलिसांकडून 6,09,088 /- रुपयांचा मुद्देमाल जप्त

उस्मानाबाद जिल्हा प्रतिनिधी : रुपेश डोलारे

उमरगा पोलीस ठाणे : उमरगा पोलीस ठाण्याचे पथक दि. 03.10.2022 रोजी 23.00 वा. सु. हद्दीत रात्रगस्तीस असताना गस्ती दरम्यान पथकाने एकोंडी शिवारातील रस्त्यावर इनोव्हा कार क्र. एम.एच. 12 सीवाय 9560 ही संशयावरुन थांबवून कार चालक - अदिनाथ दिगंबर मुळे वय 25 वर्षे रा. विलासपुर (पांढरी) ता. लोहारा यांची विचारपुस केली असता ते पथकास उडवा-उडवीची उत्तरे देत होते. यावर पोलीसांचा संशय बळावल्याने त्यांनी कारची झडती घेतली असता एकंदरीत त्या कारमधून एकुण 1,578 पुडक्यांत गुटखा व तंबाखू जन्य पदार्थ असा 2,09,088 ₹ किंमतीचा महाराष्ट्र शासन प्रतिबंधीत अन्न पदार्थ वाहून नेत असल्याचे आढळले. यावर पथकाने नमूद गुटखा व वाहतुकीस वापरलेली इनोव्हा कार असा एकुण 6,09,088 ₹ चा माल जप्त करुन अन्न व औषध प्रशासन विभागास कळवून अन्न सुरक्षा अधिकारी - नसरीन तनवीर मुजावर यांनी नमूद गुटखा हा महाराष्ट्र शासन प्रतिबंधीत असल्याची खात्री करुन त्यांनी सरकारतर्फे दिलेल्या प्रथम खबरेवरुन अदिनाथ मुळे यांच्याविरुध्द भा.दं.सं. कलम- 273, 188, 328 सह अन्न सुरक्षा व मानके कायदा कलम- 26 (2) (i) (iv), 27 (3) (e) सह वाचन अधिनियमांतर्गत 512/2022 हा गुन्हा उमरगा पोलीस ठाण्यात काल दि. 04.10.2022 रोजी नोंदवला आहे.

सदरची कामगीरी ही मा. पोलीस अधीक्षक श्री. अतुल कुलकर्णी यांच्या आदेशावरुन उमरगा उपविभागाचे पोलीस उपअधीक्षक श्री. रमेश बरकते यांच्या मार्गदर्शनाखाली उरमगा पो.ठा. चे पोनि- श्री. मनोज राठोड, सपोनि- श्री. महेश क्षिरसागर, पोहेकॉ- खतीब, पोना- लक्ष्मण शिंदे, पोकॉ- बाबासाहेब कांबळे यांच्या पथकाने केली असून गुन्ह्याचा पुढील तपास पोउपनि- श्री. शिंदे हे करीत आहेत.