शारदीय नवरात्र मध्ये सेवा देणाऱ्या रुग्णवाहिका चालक व डॉक्टर यांना प्रमाणपत्र देऊन सन्मानित करण्यात आले

उस्मानाबाद जिल्हा प्रतिनिधी : रुपेश डोलारे

तुळजापूर : तुळजापूर येथे (दि. १२) रोजी उपजिल्हा रुग्णालय तुळजापूरच्या वतीने नवरात्र काळात सेवा देणाऱ्या १०८ रुग्णवाहिका चालक व डॉक्टर यांना प्रमाणपत्र देऊन सन्मानित करण्यात आले.

श्री तुळजाभवानी शारदीय नवरात्र उत्सव २०२२ मध्ये तुळजापूर शहर व मंदिर परिसरात १८ प्रथम उपचार केंद्रामार्फत एकूण ५६ हजार ९८५ रुग्णांना उपजिल्हा रुग्णालय व शासकीय आरोग्य यंत्रणा मार्फत सेवा देण्यात आली.उपजिल्हा रुग्णालय मार्फत १०८ च्या १३ रुग्णवाहिकाच्या सर्व डॉक्टर व चालकांना रुग्णसेवेसाठी प्रमाणपत्र देऊन सन्मानित करण्यात आले.

यावेळी वैद्यकीय अधीक्षक डॉ. हनुमंत होनमाने, रुग्ण कल्याण समिती सदस्य आनंद कंदले, डॉ. श्रीधर जाधव, डॉ. अक्षय पाटील, १०८ रुग्णवाहिका नियंत्रक अमित मालवदकर, जयराम शिंदे, रुग्णालय सर्व डॉक्टर, सिस्टर व कर्मचारी उपस्थित होते.